Buenas tardes, gente amiga:
Un buen amigo me regaló esta foto de una lejana familiar suya ..
Me pareció preciosa , y quise , con un Relato, recordar , otra vez , a todos los abuelos de Asturias...
"N E L A "
Tenía la zuna de chumarriar de tola vida de Dios, pero nun podía facer alcordanza de cuántos años tenía cuando había echao el primer “pitu”…
Eso sí, acordábase perbien de cómo y por qué había sío la cosa.
Yera malpenes una guajina, y a Nela, pruyía-y quesiocuánto ver a so güelito Velino,fumar chando fumo pela boca y peles ñarices colos gueyos casique cierraos…
Y tamién , la tose que –y daba ca vez vez que fumaba… Una tose, ronca y tan fuertona, que talmente paicía que diba arreventar… Y a Loína, so güela,d’equí p’allá… farfullando pelo baxo, roncando como un abeyón, col focicu engrifáu y glayando que tusiera más asuave porque diba a ”rompe-y los pínfanos”.
Abondes veces –y había entrugao a so güelu si tenía fueu adientro la barriga…Pero Velino, socarrón, retrucába-y que non, que el fueu taba nel cigarru…y que lu sacaba él mesmu pa fuera chupetiando…con fuercia…
Y ella, vuelta la burra’l trigo, que por qué d’algunes veces –y salía el fumu pela boca y otres polos furacos de la ñariz…y que si esto y lo otro y…y…¡Home!, si hasta un día se atrevió a preguntá-y si la dexaba a ella chupar un poco pa deprender a soltar el fumo…asina como él, debujando colos llabios aquellos reondeles tan guapos, que , seliquino, ,subíen , y esnalaben como caparines, hasta que se yos desfacíen les ales…
A so güelu,nun debió gusta-y la entruga ni un rispiu, porque de secutre, púnxose seriu d’afechu, , llevantóse de la banqueta y…mandóla llargase con cajes destemplaes…y espetó-y que ella, lo que tenía que facer, yera chupar un chupete, como el de M.Luz…la so primina que malpenes tendría …un añucu…
A Nela, paició-y permal que la acomparase con una una neña tan pequeña…¡A quién se-y ocurre?...asina que enfocicóse y nun quiso nin merendar del desgusto.
Tanta rabia, -y dio que …decidió que lo meyor sería tomase la xusticia pela so mano..
Y , entós, al otru día, dimpués de comer, cuando so güelito baxó a dayos la esllaba a los gochos, Nela, vió enriba la mesa la cocina el so “oscuru objetu del deseu”:Una cajetilla de Ideales, casi enllena,y al lláu aquel chisqueru, de mecha, que –y gustaba tantísimo.
Non lo pensó dos veces….Dió un blincu como un esguil, y nun tris,garró un pitu, y escondiólu nel bolsu del vestidu de vichi de cuadrinos coloraos. Después guardó tamién el mecheru y coles mesmes, empecipió a glayar al altu la lleva, llamando al su hermanu Álvaro y a los sos primos, Luis y Anamari, pa que fuesen hasta la tená…porque…porque había garrao un “saltapraos”, guapísimu y pergrande, y quería enseñáyoslu…
Al menutu, ya taben los cuatro rapacinos, medio tiraos entre la yerba seco…asperando que Nela yos enseñase el bichu…. Nela, con sigilu y picardía, …sacó del bolsu del vestidu, la mano cierrá, dio un gritucu…y entós, enseñóyos, entre rises, el cigarru que –y había “mangao” a so guelu y el chisqueru de mecha color naranja…Los otros guajes,quedaron plasmaos, arremellaron los güeyos como platos, y, nerviosos, falaben toos a la vez, y atosigábenla pa que devolviese el pitu y el mecheru enantes que Velino subiese de la cuadra, se diese cuenta del robu, y armase un “dos de mayo”
Pero Nela, tozuda como yera, nun yos fizo nin puñeteru casu…Al contrario..:Metió el pitu na boca, y lluego díjoy al so hermanu que apriease la ruedina del mecheru pa ayudala a prendelu…Mentres tantu, toa enchipá , chupaba con avidez y cierraba los gueyos como vía facer a so güelito….Enseguida , empecipió a salir fumo …y Nela glayaba envalentoná : …¡Ya tá, ya tá!
Los guajes, tan pronto glayaben al alto la lleva, …como ellos mismos se facíen señes y se daben manotazos pa que callasen…porque si los oyíen, podría armase la gorda… Nela, que seguía chumarriando , como si –y fuese la vida nello, empezó a toser…y los otros dáben-y manotazos na espalda y jaleábenla pa que apagase el cigarru ...
Cagáu de mieu, el so hermanu , garró el chisqueru y arrancó pa la cocina a dexalu onde taba primero…pero, al menutu, coló otra vez pa la tená…,y casi emburriándola, quitó-y el pitu a Nela, dio-y unes chupaes y de secutre, empecipió a tusir como un llocu … Los otros guajes, tamién quisieron probar cómo yera aquello de chumarriar…, chupetiaron, tusieron ... asina que armaron un guirigay que pa qué…onde se mezclaben les rises, con les toses y con d’algunos peos…(bueno, munchos), que se escapaben en sin querer…y claro…más risotaes y mas toses… Anamari dixo que nun podía aguantar más , y que taba mexando por sí…Álvaro retrucó –y que se aguantase…pero…cuanto más ella facía gestu de apretar la ñalga pan un dise pola pata p’abaxo…más yos daba la risa y la tose…axuntando, además el golor de les ventosidaes col del tabacu…Aquello yera un cuadru!
Nela, fue dejando que un tras del otru, se turnasen pa desfrutar “El placer prohibidu”, pero, eso sí, como “el que parte y reparte se lleva la mejor parte”…Ella fue la que más veces chupó…y rechupó el cigarru…tou enllenu escupita, y medio desfechu de tanto pasar de una a otra mano…y de una a otra boca…¡ Tovía tien les imáxenes de aquel momentu grabaes na retina como una semeya fija.
*****
A Nela , sentá nun escañu delantre la puerta casa, volvió a day la risa …arrecordando aquel día na tená…,pero agora …namás que ye una mueca…
Non se había escaecío de aquella sensación de afogamientu, y del conciertu de toses , toos a la vez y a too lo que daben … de les arcaes y los gómitos , y les carcajaes , mezclaes con llágrimes porque toos taben llorando, al mesmu tiempu que se reíen en sin control…
LLuego, sospiró melancólica, alcordándose de los que ya nun estaben : El so hermanín, los primos...los güelos…so ma y so pá….Namás quedaba ella…, recontra…¡Cuánto había llovío desde entós, Siñor!
Aquel había sío el puntu de partida…, pero enxamás -y pesó habelo fecho.
Al primer cigarru, siguiéronlu otros munchos, munchísimos…Tantos, que Nela nun arrecuerda un sólu día de so vida, nel que el “pitu” nun hubiese sío el so compañeru fiel…
Hoy,cumple 87 años…( ¿o serán 88?) Da lo mesmo…: Con les manes tembloroses, de deos artríticos, toos guesos y pelleya, va a char otru cigarru…(al mejor …el últimu, piensa Nela,)…Metantu, cuayá de nostalgia, fai alcordanza del pasáu…, de los días cálidos y lluminosos de la so vida…, de tantos, tantísimos díes escuros , y de les nueches llargues, murnies, en sin sueñu…,de la soledá más fría, faciendo-y compañía…entre les cuatro paredes del cuartu o de la cocina, mentres la abrazaba un silenciu , afiláu, cruel…y apegañosu…Asina .un día y otru… , una nueche y otra más…esperando sin saber qué esperaba...)
¡Cómo desfruta d’esti pitín que apreparó!, Presta-y tanto que enantes prendelu, ya taba salivando….Y chúpalu con avidez, mentres, mira con cariñu infinitu , casique acariciándola , una petaca negra de cueru, desgastá y descoloría…onde guarda “la picaúra”…
Ye vieya, sí, casi tanto como ella mesma…Pero Nela, nun la desampara… desque ,al otru día de enterrar a so güelu Q.E,P,D, vino su má a casa, y dio-y -la petaca , envuelta nun papel de estraza, mentres –y decía llorosa :
"Ye pa ti, Nela…Güelito taría percotentu de que la tuvieses, fía...
Non val nada, pero cúidala…"
Y Nela obedeció el ruegu de so má… Por eso tien la petaca como oro en pañu.
Carmen “Rellatos Cortos”…Enero 2021
No hay comentarios:
Publicar un comentario